06.04.2019 Hauptversammlung

Die Guggenmitglieder durften auf ein ruhiges Vereinsjahr 2018/2019 zurückblicken. Gestartet mit der jährlichen Rattä Night im Bistro & Bar, welche dank dem sonnigen Wetter zum gemütlichen Beisammensein einlud. Auch dieses Jahr konnten wir durch die Teilnahme an zwei Waldarbeitseinsätzen und die Produktepräsentation, einen finanziellen Zustupf für unsere Vereinskasse gewinnen. Im Sommer nahmen wir an der Sommerfasnacht teil und im Juli durften wir bei strahlendem Wetter unseren traditionellen Grillabend im Klöntal geniessen.
Die wöchentlichen Proben starteten Ende August 2018. Während des jährlichen Probeweekends welches im November stattfand, wurde das Proben der neuen Lieder, Dank grossem Engagement der Mitglieder, ein voller Erfolg. Das Jahr endete mit dem Besuch des Samichlauses und dem anschliessenden Fondueplausch.

Im 2019 durfte wir an unserer vierten Dorfchübletä, sowie an unserem Guggen- Pit- Stop, zahlreiche Gastguggen sowie Besucher begrüssen, welche zu einem gelungenen Fest beitrugen.
Wie in den vergangenen Jahren gab es auch an dieser HV vereinzelte Austritte. Jasmin Freuler entschied sich für den Rücktritt aus dem Vorstand. Durch sie waren unsere Fans ständig auf dem aktuellsten Stand. Neu wird Jasmin Pianta das Ressort Werbung übernehmen.
Zur Ehrenmitgliedschaft durften wir Jasmin Freuler und Patrick Diethelm gratulieren und uns für ihre Vereinstreue herzlichst bedanken.
Nebst den Wahlen der Kommissionsämter und den Abstimmungen der Anträge wurde das neue Guggegwändli präsentiert, welches für überraschende Gesichtsausdrücke sorgte. Ihr dürft also gespannt sein.

Zum Schluss möchten wir uns bei allen bedanken, welche den Verein als Sponsor, Passivmitglied oder als Helfer unterstützen.

8.03.-10.03.2019 Nachtumzug und Spätfritig Ennenda, Kinderumzug und Maskenball Mollis, Sternmarsch & Umzug Glarus

D Fasnacht 2019 isch bereits wieder Gschicht. Letscht Fritig hämmer dörfä am Nachtumzug teilneh und aschlüssend nuch am Spätfritig im GH spielä.

Am Samstig isch es dänn am Namitag a Chinderumzug und Maskäball ds Mollis gangä. Am Sternmarsch ds Glarus händ mir dänn am Abig dörfä spielä. Det händ mir mit allnä anderä Glarner Guggä zum erstä Mal ds igstudiärtä Liäd «Sennesinger» mitänand gspielt. Äs isch super acho bim Publikum. Ds Projektli isch glungä und mir freuet üs bereits uf ä Nächschts.

Dänn isch bereits wieder dr letscht Tag vo dr Fasnacht cho. Nachem Früähschoppä uf dr Rathusbühni ds Glarus isch am Namitag dänn dr Umzug ufem Programm gstandä. Zum Glück isch dr Petrus ä chlinä Fasnächtler und ds Wätter hät einigermassä mitgspielt. Üserä letschti Uftritt isch dänn uf dr Rathusbühni gsie, nachdem mir Glarner Guggä numal ds «Sennesinger» zum beschtä geh händ.

Mir händ ä super Fasnacht ka und freut üs uf diä nächscht.

Natürli simmer au immer uf dr Suächi nach nüä Mitglieder wo gärä würdet mit üs mitspielä. Wänn ihr Interässä händ, dörfet ihr üch gärä bi üs mäldä.

28.02-3-03.2019 Pit Stop Näfels, Schmudo  Oberurnen, Warm Öp Riedern, Fädälifritig Glarus, Kinderumzug und Maskenball Netstal, Umzug Näfels

Ds zweit letschtä Fasnachtsweekend hämer au schu hinder üs. Am SchmuDo hät zerscht üserä Pit Stop ds Näfels stattgfundä. Aschlüssend simmer uf Oberurnä a Maskäball. Det hämmer am 1.20Uhr gspielt. D Stimmig isch super gsie.

Am Fädäliftitig isch es zu dä Wiggisschränzer a Warm-Öp uf Riedern und uf Glarus gangä. Ds Glarus hämmer dänn zwei Platzkonzert geh.

Am Samstig isch es am Namitag a Chinderumzug uf Netstal gangä. Später hämmer dänn vor der Turnhallä gspielt. Witer isch es dänn zum Restaurant Bären gangä, wo mir Im Resti gspielt händ. Mit so vill Mitglieder isch es ä Herusforderig gsie, dass mir alli irgendwo äs Plätzli gfundä händ. Zum Schluss hämmer dänn nuch am Maskäball i dr Turnhallä gspielt.

Am Sunntig isch ds Umzug ds Näfels ufem Plan gstandä. Als letschts sind mir gstartet.

Nächscht Fritig startet mir mitem Nachtumzug ds Ennenda bereits i ds letschtä Fasnachtsweekend 

23.02.2019 Nachtumzug und Alöschetä Näfels & Gschiirätä Siebnen

Gester hämmer am Nachtumzug ds Näfels mitgmacht. Lässig, dass so vill Zuäschauer cho sind. Aschlüssend hämmer a dä Alöschetä gspielt.
Für üs isch es dänn aber nuch witer uf Siebnen a d Gschiirätä gangä. Am 23.00Uhr hämmer dörfä d Bühni rockä. Diä einä sind ds Siebnen bliebä und diä anderä sind wieder a d Alöschetä gangä. Danggä dä Näfelser Fasnacht und dä Gugge Stockberg-Schränzer Siebnen (SZ) für das coolä Weekend. Am Duntschig gahts dänn schu wieder wiiter.